لسلام عليكم
كيفكم صبايا وحشتوني مووووووووت
اليوم حبيت انكم تعرفوا القصة اللي اموت فيها وان شاء الله تعجبكم زي ماعجبتني
قصة المغني البريطاني كات ستيفنس
كات ستيفنس كان مشهور لدرجة كبيرة يعني مايكل جاكسون ما أخذ ربع شهرة كات ستيفنس المهم كات ستيفنس له أربع مزايا:
الأولى:لما يمشي يجيبوا له عشرين بنت من ذوات الشعر الطويل يفردوا شعورهم ويمشي عليها.
الثانية:لما يقول آه تطيح 17 بنت ينقلوهم المستشفى.
الثالثة:لما يعزف بالقيتار يطيح الشباب.
الرابعة:كان يحب السباحة.
عرض عليه ناس من اميكا اربع حفلات الحفلة قيمتها بالريال السعودي 43 مليون الليلة الوحده يعني اربع حفلات كم يطلع؟
المهم
وافق على العرض وسافر لأمريكا وقبل الحفل قال للمرافق الشخصي ابغى اسبح شويه عشان اضبط السلم الموسيقي بعدين وهو يسبح راح وقت طويل ولما رفع راسه عشان يرجع لأصحابه غلى الشاطئ صار يشوف روس أصحابه بكبر عود الكبريت يعني ما يشوف الا سما وبحر أزرق في أزرق وكل ما يتقدم خطوه يدفعه البحر عشر خطوات للداخل الجزر والمد شغاله رفع راسه للسما وقال:يا الله لك علي ان انقذتني لأخدم دينك الآن وما كمل الكلمة الا البحر قذفه قذفه وحده وصله عند أصحابه
جا وقت الحفل ووقف على المسرح يبغى يغني بس وعد الله وفي نفس الوقت يبغى 43مليون فصار يغني ويبكي من القهر اليوم الثاني الجرايد كتبت ان كات ستيفنس كان يبكي متأثر بالكلمات والقضية مو الكلمات القضية شي ثاني لما رجع على بريطانيا وبعد أسبوع أهداه واحد كتاب ترجمة كلمات القرآن وأول كلمة قراها كانت(ألم ذلك الكتاب لا ريب فيه)فقال هذا الكاتب مغرور في العاده اي كاتب يألف كتاب يكتب في البداية ان الخطأ من طبع البشر فمسك ورقة وقلم وقال انا لازم اكتشف الأخطاء اللي في هذا الكتاب وبعد 5 صفحات اكتشف انه يسجل الخطأ عنده والصح عند الله فقال (أشهد ان لا اله الا الله وأشهد ان محمد رسول اللهّ)والآن هو من أكبر الدعاة الى الاسلام اسمه(يوسف اسلام)
ان شاء الله القصة تعجبكم
لا اله الا الله وحده لا شريك له له الملك وله الحمد يحيي ويميت وهو حي لا يموت بيده الملك وهو على كل شيء قدير
لا اله الا الله عدد ما كان وعدد ما يكون وعدد الكل شيء سبحانه
محبتكن للأبد:رواابــي
الخميس يوليو 01, 2010 9:17 am
